Технички податоци
- Ефикасност на горивото
- Километража
- Прилегнување и управување
Максимална ефикасност на горивото благодарение на подобрената геометрија на компонентите и на ефикасната распределба на силиката.
EcoContact™ 6 остварува оптимална рамнотежа меѓу големината на пневматикот и дистрибуцијата на компонентите. Високотехнолошката смеса обезбедува робустни врски меѓу силиката и гумата. Тоа овозможува оптимална адаптација на различните услови на патот, а на крајот тоа ги подобрува отпорот на тркалање на пневматикот и потрошувачката на гориво.
Подобрена километража благодарение на новата смеса Green Chili™ 2.0.
Напредната смеса Green Chili™ 2.0 се адаптира на површината на патот, а тоа води до намалување на загубите на гумата во текот на нејзиниот животен циклус. Како резултат на тоа, се зголемува километражата.
Оптимизирано прилегнување и управување.
EcoContact™ 6 нуди приспособена шара, а резултат на тоа е најдобриот компромис меѓу перформансите на суви и на влажни патишта. Понатаму пневматикот ја зголемува безбедноста во ситуации на управување, како што е менување на лентата. Благодарение на иновативното асиметрично ребро и геометријата на жлебовите, пневматикот секогаш го одржува контактот со патот.
Технологија
ContiSeal™ е технологија развиена во Continental дизајнирана за лепење на оштетениот слој за газење на пневматикот. Во случај на навлегување на туѓо тело, како што е, на пример, клинец, нема потреба за моментална замена на пневматикот покрај патот и дупките остануваат херметички затворени, дури и кога ќе бидат исфрлени предметите што навлегле.
ContiSeal™ е леплив вискозен слој за лепење. Тој е нанесен на внатрешната страна на пневматикот во областа на слојот за газење. ContiSeal™ лепи 80% од сите дупки на пневматикот и со тоа го намалува ризикот од издишување. Пневматиците ContiSeal™ се јасно означени со ознака на бочната страна и тие се компатибилни со вообичаено достапните бандажи.
Најважни технички карактеристики. ContiSilent™ e пневматик со технологија за намалување на бучавата развиена во Continental. Дизајниран е да ја намали внатрешната бучава на сите површини на патишта. Пневматиците ContiSilent™ се опремени со внатрешен апсорбер, со полиуретанска пена, прицврстена со адхезив за внатрешната површина на слојот за газење. Независно од температурата, структурата на пената останува непроменета. ContiSilent™ помага да се намали бучавата во внатрешноста на возилото и до 9 dB(A), во зависност од видот возило и од површината на патот.
SSR-системот е runflat технологија посебно развиена во Continental за нископрофилни пневматици што овозможува пневматикот и понатаму да биде компатибилен со секој стандарден бандаж. SSR-принципот е заснован врз самоподдржувачка зајакната бочна страна. Во случај на дупчење, тоа спречува бочната страна да се згмечи меѓу патот и бандажот и пневматикот да слизне од бандажот, со што резервниот пневматик станува застарено решение. Кога нема потреба од носење резервен пневматик, добиваме намалување на масата што ја зголемува ефикасноста на потрошувачката на горивото. Исто така, добиваме и до 80 литри слободен простор во багажникот. Монтажа на сите четири позиции силно се препорачува, ако веќе не е задолжителна со закон, а репарација на пневматиците не е дозволена.
Преземете
Сé уште имате прашања?
Само прашајте.
Со задоволство ќе одговориме на сите ваши прашања и ќе ви овозможиме поддршка со нашата експертиза за пневматици.
