Пневматици за сите сезони за рекреативни возила

Без оглед дали планирате патување во текот на зима, лето или во некој период помеѓу, пневматиците за сите сезони за рекреативни возила може да бидат одличен избор за вашата куќа на тркала. Тие нудат сеопфатна безбедност, сигурна тракција во различни временски услови и одлично управување и перформанси.

Кога е најдобро да се користат пневматиците за сите сезони за рекреативни возила?

Пневматиците за сите сезони за рекреативни возила се усовршени за возење во текот на цела година во области со умерена клима, а Continental го нуди најдобриот избор во сегментот на пневматици за сите сезони. Сите модели се дизајнирани да понудат импресивно прилегнување на патиштата и лете и зиме, како и добри перформанси на сопирање на суви и на мокри патишта - дури и на лапавица. Исто така, тие нудат одлична километража. Меѓутоа, важно е да се запомни дека тие не се посебно приспособени за остри зимски услови.

Кога одлучувате дали пневматиците за сите сезони се вистинското за вас, важно е да размислите за просечната клима на областа во која живеете и каде ќе патувате со вашето рекреативно возило. Пневматиците за сите сезони на Continental нудат безбедност и премиум перформанси за возачите што возат во области со блага клима.

На пример, ако планирате патување на планина, треба да ги проверите просечните временски услови за тој период од годината. Ако во текот на зимата сте високо на Алпите, постои голема можност да има многу снег и мраз – елементи што не се соодветни за пневматици за сите сезони за рекреативни возила. Меѓутоа, ако одите на Алпите во текот на летото, кога преовладуваат од благи до ниски температури, можеби со малку снег, може да се потпрете на пневматиците за сите сезони за рекреативни возила.

Забелешка: Ако планирате со вашето рекреативно возило да се упатите на планина, ве молиме посебно да внимавате на воздушниот притисок во пневматиците. Ако ги пумпате пневматиците до препорачаниот притисок на нула надморска височина, а потоа патувате на повисоко место, со зголемувањето на надморската височина ќе се зголемува воздушниот притисок во вашите пневматици и ќе треба да се приспособи.  За да го определите точното ниво на надувување, секогаш проверете во упатството на производителот за возилото.

Секогаш проверете ги пред патување

На тој начин ќе може да видите дали има некакво оштетување или пневматиците треба да се ротираат или напумпаат. Посебно внимавајте на страничните ѕидови во однос на исеченици, пукнатини или издигнувања.

Проверете го воздушниот притисок 

Како и кај вообичаените пневматици за автомобили, треба да го проверувате воздушниот притисок на пневматиците на вашето рекреативно возило најмалку на три недели, дури и ако не планирате да го користите вашето возило неколку месеци. Одржувањето на воздушниот притисок ќе ви помогне да обезбедите подолг век на траење на вашите пневматици.

Проверете ја длабочината на шарата на слојот за газење

Кога го проверувате притисокот на пневматиците, секогаш проверете ја и длабочината на слојот за газење. За да го направите тоа, видете ги показателите за трошење на слојот за газење на вашите пневматици или употребете уред за мерење на длабочината на шарата на слојот за газење.

Внимавајте вкупната тежина на куќата на тркала да не го надмине индексот на оптоварување

Придржувањето кон насоките за тежина е од исклучително значење за зачувувањето на пневматиците на вашето рекреативо возило и за вашата безбедност. Во упатството од производителот на вашето возило може да видите која е максималната тежина.

Внимавајте тежината на рекреативното возило да биде еднакво распределена 

За да избегнете зголемено абење на еден или на два пневматика, внимавајте тежината да биде еднакво распределена на сите четири пневматици на возилото. Ако не сте сигурни како ќе го проверите ова, дајте го возилото на проверка кај локален стручњак за пневматици.

Покривајте ги пневматиците кога не се користат

Ако вашето рекреативно возило остане паркирано на патеката покрај куќата, на улица или остане во гаража повеќе месеци, покријте ги пневматиците за да избегнете нивно стареење преку изложеност на УВ-зрачење.